與時並進

與時並進，說的是母親大人。

昨晚回到家，母親大人說有甜品做宵夜，「我係飛時卜上面見到有人教整薑汁撞奶，好似好容易咁。李太(註：她的戲迷老友記)試過話得㗎，一陣我試吓。」

昨晚吃了，果然似模似樣，味道不錯。飛時卜又建一功！

說到Facebook，最近加了幾個公仔選擇，上周我教了母親如何用。昨晚睇大戲時她教李太用，八十歲教六十幾歲用飛時卜公仔，哈哈，好威風呀！

我常常說母親記性好，我請她當人肉鬧鐘，從沒失拖。

幾日前我跟她說:「唔該聽日8點叫醒我，即係eight clock (註：我家父母不懂o'clock這字，但clock，用他們的發音kok-lock，代表鐘，也代表幾多點鐘)。」

母親一面數手指，一面說：「six, seven, eight，即係8點，ok。」嘩，勁，我也不知道原來她懂這幾個英文字！

又是昨晚，我再請她8 kok-lock叫醒我。她又再數手指，但今次數的是：「nine, ten。」

我說: 「唔係six, seven, eight咩？」

她說：「10減2咪即係8囉。」

勁，誰說時間一定要順著數的，thinking outside the box，不就是如此嗎？

母親大人實在令我佩服！